- ईश्वरकाजी खाइजू 

भक्तपुर । केदारनाथको शीर भनी घोषणा गरिएको भक्तपुर सिपाडोल गाविसस्थित डोलेश्वर महादेव स्थानलाई धार्मिक पर्यटकीय गन्तव्यस्थलको रुपमा विकास गरिने भएको छ ।

उक्त स्थानलाई धार्मिक पर्यटकीय गन्तव्यस्थलको रुपमा विकास गर्न उक्त स्थानको ऐतिहासिक, धार्मिक एवं सांस्कृतिक महत्व उजागर गर्ने गरी गुरुयोजना निर्माण कार्य भइरहेको छ ।

केदारनाथको शीर डोलेश्वर महादेव संरक्षण तथा विकास समितिका अध्यक्ष विदरमानसिंह बस्नेतले डोलेश्वर महादेवस्थानलाई वृहत धार्मिक क्षेत्रको रुपमा विकास गर्ने उद्देश्यले उक्त गुरुयोजनाको रहेको बताए ।

उनका अनुसार उक्त गुरुयोजनाअर्न्तर्गत महादेवस्थानको क्षेत्रफल विस्तार गर्ने, केदारनाथको शीर भएको पुष्टि गर्ने अन्य पोखरी, विमलीघाट तथा क्षेत्रको संरक्षण गरी ती क्षेत्रहरुमा पनि भ्रमणको बन्दोबस्त गरिनेछ ।

किम्बकदन्तीअनुसार महाभारत युद्धपछि पाँच पाण्डवहरु र्स्वर्गको यात्राको निम्ति निस्कन्छन् । केदारनाथको दर्शनपछि मात्र र्स्वर्ग प्रवेश पाउने आकाशवाणीपछि पायडवहरु केदारनाथको दर्शन गर्न हालको भारतस्थित उत्तरापन्थ जान्छन् । पाण्डवहरुले भाइबन्धु मारेर आएको हुँदा केदारनाथ उनीहरुलाई दर्शन दिनुपर्ला भनी भैंसीको रुप लिन्छ । उत्तरापन्थ पुग्दा केदारनाथलाई नदेखेपछि पाण्डवहरुले दिव्यदृष्टि लगाउँदा केदारनाथ भैंसी भएर बसेका चाल पाउँछ र उक्त भैंसीकहाँ जाँदा भैंसी भाग्न खोजेपछि पाण्डवहरुले पुच्छर समाउँछन् । पाण्डवले आफ्नो दर्शन गर्ला भनेर भैसी भएको केदारनाथले आफ्नो टाउको जमिनमा गाड्छ र पाण्डवहरुले उनको दर्शन गर्न पाउँदैनन् । त्यतिकैमा 'मेरो दर्शन गर्ने भए नेपाल उपत्यकामा आउनू' भन्ने आकाशवाणी हुन्छ ।

उक्त किम्बदन्तीअनुसार पाण्डवहरु डोलेश्वर आएर केदारनाथको दर्शन गरेर र्स्वर्ग गएका थिए । पाण्डवहरु त्यहाँ आएको पुष्टि गर्ने डोलेश्वर महादेव मन्दिरभन्दा केही सय मिटरपर विमलीघाटमा पाँच पाण्डवहरुको आकृति आउने ढुंगाका मर्ूर्तिहरु पाइएको छ । 

साथै गत भाद्र ६ गते भारत उत्तराञ्चल प्रदेशस्थित केदार वैराग्य पीठाधिश्वर श्रीश्रीश्री १००८ श्री भीमाशंकरलिङ्ग शिवाचार्यले डोलेश्वरलाई केदारनाथको शीर भएको घोषणा गर्दै पूजा तथा रुद्राभिषेक गरेका थिए ।

योजनाअर्न्तर्गत मन्दिर भ्रमण गर्ने भक्तजनहरुको संख्यालाई मध्यनजर गर्दै मन्दिर परिसरमा करिब ३० हजार सजिलै अटाउन सकिने गरी विस्तार गर्ने र सोही संख्यालाई घामपानीबाट बच्न ओत लाग्ने गरी मन्दिर वरिपरि सतल एवं पाटी निर्माण गरिने उनले बताए ।

डोलेश्वरलाई केदारनाथको शीर भएको घोषणा गरिएपछि उक्त मन्दिरमा पूजाआजा गर्न आउने भक्तजनहरुको संख्यामा उल्लेख्य वृद्धि भएको समिति सदस्य हरिशरण बस्नेतले बताए ।

मन्दिरका पुजारी बच्चुराम जंगमका अनुसार शिवको बार पर्ने मंगलबार र शनिबार दैनिक एक हजारभन्दा बढी भक्तजनहरु डोलेश्वर महादेव मन्दिर पुग्ने गरेका छन् । अन्य दिनका पाँच सयको हाराहारीमा भक्तजनहरु डोलेश्वर आउने उनले बताए ।

उनका अनुसार मन्दिरमा भक्तजनहरुको आउने क्रम बढेसँगै मन्दिरको भेटी तथा आम्दानीमा पनि वृद्धि भएको छ ।

समितिका अध्यक्ष बस्नेतले दैनिक करिब ३५ हजार भेटी तथा चन्दा उठ्ने गरिएको बताए । मन्दिरको आम्दानीबाट मन्दिरको व्यवस्थापन, पूजारी र सफाइ कर्मचारीहरुलाई पारिश्रमिकको व्यवस्था गरिएको उनले बताए ।

यसैबीच डोलेश्वर मन्दिरको थप प्रचारप्रसार गर्न यही माघ २२ गतेदेखि फागुन २ गतेसम्म मन्दिर प्राङ्गणमा शिव महिमा वर्ण्र्ाा रुद्राभिषेक तथा महामृत्युञ्जय महायज्ञ गरिने भएको छ ।

मन्दिर क्षेत्रको गुरुयोजनालाई मर्ूतरुप दिन आर्थिक संकलन गर्ने उद्देश्यले उक्त महायज्ञ गरिन लागेको बुधबार आयोजित पत्रकार सम्मेलनमा अध्यक्ष बस्नेतले जानकारी दिए ।