- ईश्वरकाजी खाइजू

भक्तपुर, ११ फागुन ः गाउँगाउँमा गएर योजना तर्जुमा गर्दै आएको भक्तपुर जिल्ला विकास समितिले विगतको परम्परालाई तोडेर सदरमुकाममै केन्द्रीकृत गोष्ठी गरेर योजना छनोट कार्य गरेको छ ।

  दर्ुइ निर्वाचन क्षेत्र, दर्ुइ नपा, १६ गाविस र ११ वटा इलाकामा विभाजित भक्तपुर जिविसले इलाकामा पर्ने गाविस तथा नपाका प्रमुख तथा र्सवदलीय राजनीतिक संयन्त्रका प्रतिनिधिहरु बोलाएर केन्द्रीकृत योजना तर्जुमा गोष्ठी गरेको हो ।

आर्थिक वर्ष२०६७/६८ को जिल्लाको योजनाको लागि जिविसले पहिलो चरणमा निर्वाचन क्षेत्र नं १ मा पर्ने पाँचवटा इलाका र दोस्रो चरणमा क्षेत्र नं २ मा पर्ने इलाकाहरुको इकालास्तरीय योजना तर्जुमा गोष्ठी गरेको हो । जिविसको जिल्ला परिषद् यही फागुन २८ गते हुनेछ ।

सम्बन्धित इलाकाका गाविस सचिव, स्थानीय दल तथा जिल्लास्थित सरकारी तथा गैरसरकारी कार्यालयका प्रमुखहरुको उपस्थितिमा समूहगत छलफल गरी प्राथमिकताका आधारमा योजनाहरु छानिएका थिए ।

स्थानीय विकास अधिकारी प्रभा पाण्डेले विकेन्द्रीकृत रुपमा इलाकाइलाकामा गएर योजना दोहोरिने, बढी समय लाग्ने र आवश्यकता र प्राथमिकता नभए पनि स्थानीय जनताले बढीभन्दा बढी योजना पार्न बल गर्ने गर्दा वास्तविक योजना छनोटमा समस्या भएकोले केन्द्रीकृत योजना तर्जुमा गोष्ठी गरिएको बताइन् ।

उनका अनुसार केन्द्रीकृत रुपमा सीमित व्यक्तिहरुबाट योजना छनोट गर्दा स्थानीय जनताकै भावनाअनुसार अति आवश्यक योजना प्रस्ताव भएका छन् ।

गोष्ठीमा गाविस तथा इलाकाका प्रतिनिधिहरुले सम्बन्धित गाविसहरुको परिषद्बाट पारित गरिएका योजनामा पनि प्राथमिकीकरणका आधारहरुसँग दाँजेर पुनः परिमार्जन गरेका थिए ।

गोष्ठीका सहभागीहरुलाई आठ वटा प्राथमिकीकरणका आधारहरु उपलब्ध गराइएको जिविसका योजना अधिकृत गिरिराज ज्ञवालीले बताए ।

उनका अनुसार ती आधारहरु गरिबी निवारण, स्थानीय स्रोत र साधनको उपयोगिता, बढी जनसहभागितामा आधारित योजना, रोजगारी तथा आय वृद्धि, समावेशी, कम समय र कम लगानीमा बढी प्रतिफल दिन, क्रमागत अधुरो योजना र वातावरणीय दिगोपना रहेका छन् ।

गोष्ठीमा गाविस प्रतिनिधिहरुबाट भौतिक निर्माणअर्न्तर्गत सडक निर्माण र खानेपानी योजना बढी प्रस्ताव गरिएको उनले बताए ।

गोष्ठीमा इलाका नं १ र ११ मध्यपुर थिमी परेको हुँदा गाविस पर्ने इलाकाहरुबाट योजनाहरु प्रस्ताव भएका थिए । जसअनुसार इलाका नं २ बाट दुवाकोट गाविसका सचिव खगेन्द्रप्रसाद दाहाल, ३ बाट चाँगुका सचिव ध्रुवबहादुर श्रेष्ठ, ४ बाट वागेश्वरी गाविसका पर्ूवअध्यक्ष राधाकृष्ण लामिछाने र ५ बाट ताथली गाविस सचिव देवराज चौलागाईंले योजना प्रस्ताव प्रस्तुत गरेका थिए ।

त्यस्तै इलाका नं ६ बाट नंंखेल गाविस सचिव रामप्रसाद पन्थी, ७ बाट सिपोडोलका सचिव नानीराम थापा, ८ बाट कटुञ्जेका सचिव लेखनाथ भट्टर्राई, ९ बाट सिरुटारका सचिव लोकबहादुर थापा र १० बाट बालकोटका सचिव बद्री नेपालले छनोट भएका योजना प्रस्तुत गरेका थिए ।